Fashilka Xukuumada iyo Sababaha keenay.!

Dad badan oo aan kamid ahaa ayaa 10kii Sebtembar 2012, oo eheyd Maalintii ay dhacaysay dooradashiid Kursiga madaxtinimada Soomaaliya aan marnaba indha ka leexin Tv yada iyo meelaha wararka laga  dheehdo ayagoo ka rajo qabay in ay wax is badal ah ay ka dhacaan Soomaaliya.

Dhowr saacadood  oo codayntasa kadib iyo intii ay socotayba  ayaa inta badan ee afka Soomaaliga ku hadasha iyo intii danaynaysay Arimaha Soomaalida waxay si aan kas ahayn u xifdiyeen magaca Hasan sheikh Mahamoud oo ahaa Musharixii  ku guulaystay  xilka tartanka Kursiga aan dhib badan  loo soo marin ee ku magacaaban Madaxweynaha  Soomaaliya .

Mudane Hasan oo Sida taariikhdiisa ku qoron ah Qof ku abtirsada bahda waxbarasha amaba ahaa macalin Jaamacad wax ka dhigi jiray ayaa kasbada Taageerada inta badan Umadda Soomaaliyada ee u hanqal taagaysay in ay mar arkaan Soomaaliya oo ay wax iska badalaan.

Taageerada uu kasbada Madaxweynuhu maalintaas  ma ahayn mid ku salays neyd  Qabiil ama wax la mid ah ee  waxa ay aheyd mid  ka timid inta badan Soomaalida  meel kasta  oo ay  joogaan, waxa ay u muuqatay mid hadii sida wanaagsan loo maamulo looga bixi karay dhibka soo jiitamayay. 

Madaxweyne Hassan ayaa  loo arkayay in uu  ka duwanaandoono Kuwii asaga ka horeeyay  Sababo dhowr ah oo jira .

1.  waxa uu ahaa  madaxweynaha ka liya ee lagu doortay gudaha wadanka tan iyo markii ay meesha ka baxday Xukuumadii dhexe .

2. waxa uu ahaa  Madadwynaha aan magiciisa  laga  hormarin Kumeel gaar ee laga hormariyay Madaxweynaha rasmiga ag ee 4sano ee soo socota, taas  oo micnaheydu yahay in uu awood  aysan haysan kuwii ka horeeyay leeyahay.

3. waxa uu haystay  taageero aan ku imaanin caadifad iyo nin iska celin ee ka imaanaysay Umadda u oomaneyd Nabad iyo is badal dhab ah .

4. waxa uu ahaa  musharaxa kaliya ee aan dalka  intii dhibku jiray aan ka maqnayn  taas  oo u taagan in uu fahan aan kuwa wadamada shisheeye ka yimid aysan fahmin karin inta badan.

Waxa kale  oo aan meesha  ka maqnayn  kal soonida  uu  ka helay Maalmo gudohood  Dowladaha  Caalamka.

Hadaba  Madaxweynaha  oo looga  fadhiyay  in uu Wadanka  wax muuqda  ka ka qabto ayaa  waxa Qof kasta , Ayaa  hada  waxa  aan  shaki ku jirin  ama  inta  badan dadku   aaminsanyihiin in ay kalsoonidii iyo hididaaladii loo qabay Guushii uu ka gaaray madaxweynuhu Darashadii  ay meesha ka baxday marka la fiiriyo sida  loo maamulay Nadaamka Dowladeed ee hada ka jira .

Wax yaabaha keenay  Fashilka Xukuumada Hada jirta .

1.Booqashada Koowaad ee madaxweynaha ee Gobolada  qaar aan la tagin ama laga Dulbooday.

2. Hab qeybsiga Awooda Nadaamka Xukuumada ama Wasiirada oo beelaha gaar aysan iska dhex arkin.

3. Qaadis Go,aano aan ku salaysnayn wada tashi ka dhaxeeya ama ay isla ogyihiin Madaxda Xukuumadu sida wasiirada iyo Ra,iisal wasaaraha ama suusan ogayn madaxweynuhu .

4. Namaadka  Maamul Goboleedyada  oo aan  sifiican loo dhaqan galin hadii uu jiro Nadaam loo diyaariyay in la iskugu keeno Gobolada  Dalka.

5.Xukuumada  iyo baarlamaanka  oo aan  midkoodna Shacabka inta horyimaadeyn aysan ka  dhaadhicin Nadaamka lagu saleeyay  Dasduurka  wadanka  ee  Fadaraalka ah .

6.Amaanka  oo ah Muhiimada  ugu horaysay ee  in Xukuumadu ay wax ka qabato looga  fadhiyay oo  sida muuqata faraha  ka siibaxaya .

7.Hadallo  ay ka muuqato kicin dadka  gaar ah oo  ka  soo baxay  Rasiirada iyo xildhibaanada  qaar kood ayafa oo dad gaar ah ama Maamul Goboleydyo gaar ah cadaawad galinayo .

8.Ciidanka  ,Garsoorka ,Maxkamadda  sare  oo dhamaantood aan sidii  la rabay aan  waajibkooda u gudan oo mararka  qaarkooda  laga dareemayo wax is daba marin  baahsan .

9. Musuqmaasuqa aan kala joogsi laheyn ee dhamaan kaalimada iyo xaafiisyada shaqeedka Xukuumada ka aloosan.

  N.B.        Lasoco qeybta kale inshaa allaa

War kuwii hore hana loo daayo.!

Mar kasta oo Soomaaliya wax is badal ah ay kadhacaan is badalkaas oo ah dhanka  Siyaasada inta badanna  ah dhanka ay Soomaalidu isha ku hayaan ugana  hadal haynta badan dadka  Soomaalidu had iyo jeer meel kasta oo ay joogaan,ayay dadku Niyada ku hayaan is badal dhab ah oo laga sameeyo Maamul xumada ka taagan Siyaasadda  Wadanka  taas oo dib u dhac baaxsan ku keentay Hormarka Wadanka iyo Shacabkaba.
 Halka dhibka ugu wayn uu kajiro oo ah Qofka Wasiirka ama Xildhibaanka laga dhigayo oo aan  loo  soo dooran  inta badan Aqoon ama  Khibrad uu u leeyahay Xilka loo idmanayo taas  oo  keenta in qof aan wax waxqabad ah lahayn ama aan awood u lahayn in uu  wax is badal ah ka sameeyo Xilka loo dhiibay .
 ayaa  waxa ay sababtaa  in meesha ay ka baxdo awoodii ama  mas,uuliyadii laga  rabay in Qofkaasi uu ku sameeyo booska  uu ka hayo Dowlada  ama  Wadanka.

Ayada  oo ay jirto in aan Mas,uulka  Aqoon ama khibrad lagu soo xulin ayaa  waxaa  dhacda  in marka  Qofkaasi  xilkaas  hayo Dhowr bilood ayaa  hadana  laga  xayuubiyaa  oo inta badan   qoorta  loo galiyaa  mid  kale  oo aan  asna wax uu dhaamo aysan jirin ama ka siiliita aqoon iyo khibradba ayada  oo  lagu ee deeyo mas,ulkii hore in uu gudan waayay  Xilkiisa.

Hadaba  waxaa  is waydiin mudan maxaa Qofkaas  loo sumcad tirayaa inta markii hore lagu soo qasbay ama aan  lagu xirin  wax khibrad ah oo laga  doonayo qofka xilka  qabanaya, kadibna loogu eedaynayaa wax qabad la,aan ?

hadaba Carabka shacabka  ayaa loo badinayaa in uu leeyahay war kuwii hore  noodaaya  ayagaa laga yaabaa in ay wax khibrad ah kasbadeen inta ay meesha joogeena  intii mid kale oo  cusub meesha la soo taagi lahaa .
Markii wax qabadkii laga hor mariyay Qabiilka iyo sadkursiga  qof kasta ayaa og in ay imaanayso wax qabad la,aan iyo is eedeen joogto ah, marka  waxaa  wanaagsan in meesha la keeno qof xilkaas qaban kara ama xilkasnimo lagu tuhmayo  oo aysan  sheekadu noqon in shacabka iyo wadanka  aan lagu haynin dhibka ay horseedak u yihiin Siyaasiyiinta aan khibrad ay u leeyihin aysan jirin  Siyaasadda ay sheeganayaaan .

Waxaa  la yiraadaa  shaydaan aad taqaano waxa uu ka  kheyr badanyahay shaydeen kale oo aadan aqoonin.

marka  anaguna  waxa aan  leenahay  Tuug aad taqaanid waxa uu ka qeyr roonyahay mid aadan aqoon oo cusub  oo hada iyo mar hor leh Xagtooyo masaynaya.

Hambalyo Wasiirka Arimah Gudaha Soomaaliya

Hambalyo Wasiirka Arimah Gudaha Soomaaliya iyo Intii ku gacansiisay in Xabsi la dhigo Danbiilayaasha isku dayay in ay Xasan Daahir Aweys ay Badbaadiyaan. 

Xaq waxay u lahaayeen in Karbaash iyo xarig dheer la iskugu daro .
Danbiile qof kasta oo uu yahay iyo inta Difaac ula diyaarka ah in ay ku quusqaataan ayaan rajaynayaaa .

Soomaaliya  dhib iyo is cayrsi kama baxayso hadii aan la helin dad Soomali ah oo Soomaalinimadu  ay  oga  wayntahay  Qabiilka  iyo isfiirsiga  u dhaxeeya  dadka  soomaaliyeed, sida in qabiilba  mid kale  iska  fiirinayo oo ah  inta badan  waxa  lagu difaaco  Danbiilayaasha  dadka  dhiigooda  bilaa  macno la,aan ku daadiyay ah, hadana  ku soo galbanaya  qabiil aysan wanaag iyo wax ay u sameeyeen aysan jirin .

Soomaaliyay  Cadaaladu  waa  mid  kaliya  ee aan wax  ku noqon karno ee ha la iska  dhaafo  qabiil iyo  wax  aanan dan noogu jirn .

Hambalyo kun iyo kow jeer mudane haddii arinta aad samaysay ay tahay mid aad soomalinimo iyo cadaalad u samaysay. 

Halaga banaan baxo Dagaalka Kismaayo ka socda.!

Isbuuc ka hor markii wiil  Soomaaliyeed lagu dilay  wadanka  South Africa  dad badan oo  Soomaali ah ayaa   aad  oga  carooday  dhibka  loogaysta  walaalkood  kadib markii ay  sixun u dileen  dad South Afrikan ah.

Laakiin Maantay iyo shalay waxaa  Magaalada  Kismaayo ee  wadanka  Soomaalia  ka socda Dagaal ay ku dhinteen  dad Soomalai ah oo aan  waxba  galabsan.

Sida wararku sheegayaana  waxaa  dagaalkaas  ku dhintay  shalay  Gabar Miskiin ah  oo  caano  meel  ku gadaysay, Maantana  dad  kale ayaa  ku dhintay waxaana  ka  mid ah  Qoys dhan oo ay  3 ka mid ah ay dhaawac yihiin .
Marka  soo  ma  haboona in aan  ka  banaan baxno oo aan  dadka dagaalka  wada  aan  tusno in ay qaldanyihiin  oo aanan  raali ka ahayn  in  dadka  masaakiinta ah  la dilo .

dhiiga Soomaalidana  uusan hada  kadib  bilaa  macno daro  ku daadan  doonin  .
Waa  in aan  iskugu  Soo  baxnaa  sidiin aan  shalay iyo  daraad  iskugu  Soo  baxnay   hadaan  nahay   Soomaali  meel  kasta  waa  ku  dhibaataysannahay .

Hadana  maahan in  Wadankeenii aan isku  dilno  qofkii  qaldan  waa in aan  tusnaa   qaladkiisa  .
Dadka siyaasad  soomaaliya  isku haya  ayagu  dagaalka  ma  ku dhintaan  ee  waxa  ku dhintaa  waa  dadka  shacabka ah oo aan  wax ay galayn aysan jirin oo  xabad  loogu  geeyay  meelaha ay ku nool yihiin .

Hadaan  Wadankeenii isku  dilnay  ma  u malaynaysaan in aan  ku  badbaadayno  wadan kale?
Jawaabtu  waa  maya ayaan  u malaynayaa   marka   Soomaaliyay  Fadhiga  aan  ka  kacno oo aan  dadkeena  iyo  dalkeena   badbaadino .


Allaa  mahad leh
Soomaali  Ha noolaato.
Hasan Ahmed  Bin Issa

Ku soo Dhawaad Blogg Kaygaan cusub.

Maantay oo ay  taariikhdu tahay 8. Bisha 6. 2013 ayaan  ayaa  waxaa  suuro  gashay in aan  ku soo  biiro barta Blogger yada  Interterka  ee ay  dad badan isticmaalaan.
 Waxaan rajaynayaa  Inshaa allaa  in aad  kala  socontoon taan  wixii  akhraabaad ah oo igu saabsan iyo maqaalada  iyo Eray maalmeedyada aan qoro.

Alle ayaa mahad leh   Adinkuna  waa  mahadsantihiin .
Soomaali ha  Noolaato .